餅仔泰曼遊學記-行李篇
----------------------------------------------------------------------------------------
其實小篇Biscuit一向都唔擔心帶唔齊野去，因為泰國唔係荒島，日常生活所需既野，係當地一定搵得到，而且價錢仲可能平過香港。
----------------------------------------------------------------------------------------
但唯獨是有兩樣野，係一定要係香港帶過去，而仲要係大量地帶。冇左依兩樣野，小編是會生存唔到的。
----------------------------------------------------------------------------------------
第一樣:眼藥水，亦即係人工淚液。小編自娘胎出黎就唔鐘意帶眼鏡，無奈天意弄人，我有一對近視同散光既無神小眼睛。由於帶Con令到自己隻眼淚水分秘小左好多，所以經常要滴眼藥水。有帶Con而又唔夠淚水要滴人工淚液既巴打絲打一定明我既感受，眼藥水唔係隻隻岩自己，唔岩既會令到對眼好澀好辛苦。有見及此，我一次過同眼鏡鋪訂左26支眼藥水(希望我入境果時唔好俾人以為我走私🌚)P.S請叫我眼水哥🤔🤔🤔
----------------------------------------------------------------------------------------
第二樣:髮泥，部份巴打們應該會明白我既感受，就係每一次轉用新既髮泥，隻手就會變成[新手上路]，Gel極都唔岩心水咁，往往要適應一段日子先可以[得心應手]，既然係咁，我都係係香港買定幾盒過去算。
----------------------------------------------------------------------------------------
依兩樣以外既野，其餘都冇咩特別，係小編比較貪心啲，想帶4，5對鞋去，所以會帶多個Hand Carry專擺鞋😂。
----------------------------------------------------------------------------------------
今次講住咁多先，下次見！
Search